Athari ya Jinsiaya Mtunzi katika Usawiri wa Wahusika katikaRiwaya zaKiswahili:Mifano kutokana na Riwaya ya Nyuso za Mwanamke na Nguu za Jadi.

Abstract

Kila mwandishi huathiriwa na sababu mbalimbali katika usawiri wa wahusika kwenye utunzi wake. Ni kwa sababu hii basi tumeweza kuchunguza athari ya jinsia ya mwandishi katika usawiri wa wahusika katika riwaya za Kiswahili. Tumeweza   kubainisha jinsi usawiri wa wahusika katika riwaya huathiriwa na jinsia ya mwandishi. Hii ni kwa sababu kuwa wahusika katika riwaya huwa wengi na husawiriwa kwa njia mbalimbali. Lengo kuu la utafiti huu lilikuwa ni kuchunguza athari ya jinsia ya mwandishi katika usawiri wa wahusika katika riwaya ya Kiswahili. Lengo hili lilitimizwa kupitia kwa lengo mahususi ambalo ni; kutathmini athari ya jinsia ya mwandishi katika usawiri wa wahusika kwa njia chanya au hasi ili kuwakweza au kuwatweza. Nadharia iliyotumika katika utafiti huu ni nadharia ya Ufeministi wa Kiafrka iliyoasisiwa na Steady (1981). Utafiti huu ulifanyika maktabani. Data ilikusanywa kupitia usampulishaji lengwa kutoka katika riwaya teule ambazo ni Nyuso za Mwanamke (2010) Said A Mohamed na Nguu za Jadi(2022) Clara Momanyi. Data hii imechanganuliwa kwa njia ya maelezo kwa mujibu wa malengo ya utafiti na mihimili ya nadharia teule. Utafiti huu utawafaidi wasomi, watafiti na wahakiki wa kazi za kifasihi kwa kuwa utachangia kujaza mapengo katika utafiti hasa kuhusu masuala ya kijinsia. Vilevile, tumekusudia utafiti huu uweze kuwafaidi wahakiki na wasomi katika kuzitafiti kazi nyinginezo za kifasihi. Mbali na hayo, utafiti wetu utatumika kama katika marejeleo kwa watafiti wa masuala ya kijinsia wa siku zijazo katika uendelezaji tafiti zao.