Ulinganifu na Ulinganuzi wa Kimtindo katika Ujenzi wa Upembezwaji wa Mwanamke katika Bunilizi Tuele za Clara Momanyi na Omar Babu

Abstract

Jamii nyingi za Kiafrika humpembeza mwanamke kwa kumweka katika ngazi za chini huku mwanamume akiwekwa kwenye ngazi za chuni.. Upembezwaji wa mwanamke katika tungo za kifasihi na katika maendeleo ya jamii ni matokeo ya mwingiliano wa fahamu tambuzi na fahamu bwete za mtunzi hasa kwa mujibu wa utamaduni wa jamii lengwa. Mwingiliano huu wa ufahamu tambuzi na ufahamu bwete unaekezwa kwa makusudi katika utunzi wa tungo mahususi kama ilivyo kwenye tungo za Momanyi ‘Ngome ya Nafsi’katika Mayai Waziri wa Maradhi na Hadithi Nyingine (2004), Tumaini (2006) na Nakuruto (2010) nazo za Babu ni Kala Tufaha (2007), Heri Subira (2010) na ‘Ndoa ya Samani’ (2011. Data ya usomi huu ilitokana na usomaji wa bunilizi hizi maktabani. Tuliweza vilevile kutumia mitandao kurutubisha utafiti wetu. Hatimaye, ilichambuliwa kuzingatia mihimili ya nadharia ya Ufeministi wa Kiafrika.  Hivyo, ni kwa jinsi gani watunzi Momanyi na Babu wanarandana kimitindo katika ujenzi wa maudhui ya upembezwaji wa mwanamke kisanii katika jamii? Je, kuna naman ambavto wanatofautiana katika ususi wa kazi zao? Ni vipi ambavyo mwanamke anapembezwa kiutunzi katika kazi teule? Maswali haya ndiyo tulipania kuyajibu katika makala haya.